PRISM chuan Mizoram sorkar budget-a sum dah tam zawk hmanna chu sorkar hnathawkte hlawh leh ham\hatna a ni tih sawiin, thuneihna an chan chuan sorkar hnathawk zat ennawna, tihtlem a \ul chuan awmze neia tihtlem tum a ni dawn niin a sawi. An Party General Secretary, Pu Lalrinzuala Chawngthu chuan sorkar kum kal mek, 2017-18 atana sum ruahman cheng vbc. 8,803 leh nuai 10 a\anga sorkar hnathawk hlawh atana sum dah hi cheng cheng vbc. 415 leh nuai 41 a ni a, hei hi budget pumpui za zela 33.77 a ni a, pension atana sum dah leh sorkar hnathawkte ham\hatna atana sum dahte nen, a vaia belh khawmin sorkar hnathawk leh pension-te tana sum dah hi cheng vbc. 6951 leh nuai 43 a tling a, hei hi budget pumpui za zela 78.97 a nih avangin hmasawnna hnathawhna tura sum bang awm chu za zela 21 chauh a ni ta a, hemi avang hian ennawna a \ul dan anga tihtlem a ngai niin a sawi a ni.
