Mizoram Sorkar-a Election Department leh Govt. Hrangbana College-a Political Science Department \angkawpin vote la thlak ngai lo ten vote thlak dan an zir theihna turin Govt. Hrangbana College Golden Hall-ah EVM leh VVPAT hmanga vote thlak dan zirlaite an entir.

He inkhawm Political Science Department Head, Pu Lalthlengliana kaihhruaiah hian Jt. CEO Pu H. Lianzela leh Asst. CEO Pu Malsawmzuala ten vote thlak dan leh vote thlak kaihhnawih thil pawimawh an hriat tur te an tarlang a, zirlaiten an hriatthiam loh leh hriat duh hrang hrang an zawhte an chhang bawk a ni.

Vote thlak dan zir honaah hian EVM leh VVPAT dahte chu hmang chhinin vote la thlak ngai loten vote an thlak chhin a ni. He hmalakna hi kumina Lok Sabha inthlanpui tura inbuatsaihna a ni.