Mizoram Rural Bank Officers’ Association in Berawtlanga Multipurpose Hall-ah vawiin khan General Body Meeting an hmang. Inkhawm hi chawhma leh chawhnuah \hen a ni a, Chawhma lam hi an pawl President Pu C. Lalmuanthanga’n a kaihruai a, kum 2016-18 chhunga an pawl hmalak dan report ngaihthlak a ni a, an pawl member thar an lawm luh bakah pensiona chhuak te an thlah bawk. Hei bakah Indian Institute of Banking & Finance hnuaiah CAIIB pass thar 1 leh JAIIB pass thar 14 te hnenah chawimawina thuziak an hlan bakah All India Regional Rural Bank Employees Association hnuaia Women Sub-Committee Chairperson, Pi Lalngaihawmi Pachuau hnenah lawmpuina thuziak an hlan bawk. Chawhnu lamah ro an rel bakah kum 2018-20 chhunga an pawl hruaitu tur an thlang bawk.
Mizoram Rural Bank hian kum 2017-18 chhungin Deposit cheng vaibelchhe 2147.94 leh Advances cheng vaibelchhe 1092.45 a nei a, CD Ratio chu 50.86 a ni.
