Mizoram Rural Bank chuan, vantlang tana rawngbawl hna an thawhna, Corporate Social Responsibility (CSR) hmangin Lunglei Serkawn-a Baptist Kohhran enkawl fahrahte enkawlna hmun tan Motor Eeco Van vawiin khan an hlan.
Motor inhlanna, Zarkawt Hotel Regency Conference Hall-a neih hi Pu C Laldampuia’n a kaihruai a, MRB Chairman Gautam Sengupta a’n Baptist Church Orphanage Home hotute hnenah Motor chahbi a hlan a ni. Mizoram Rural Bank hian CSR hmangin Hnahthial High School-ah Water Cooler an lo pe tawh a, Central YMA hnenah mitthi phurhna a lo pe tawh bawk a, Lunglei leh Champhai YMA Sub Headquarters hnenaah Sumo Ambulance a pe tawh bawk. Sorkar kum kal mekah MRB hian CSR hmangin pawl hrang hrang hnenah tanpuina cheng nuai 18 hu a sem chhuak tawh a ni. MRB hian nikum December thleng khan Deposit cheng vaibelchhia 1988 a dawng tawh a, tun dinhmunah deposit an dawn zat atanga loan an pek chhuah zat CD Ratio chu zaa 51.16 a ni.
