A lawmna hmapuitu I&PR Minister Pu Lalruatkima chuan, MRB in Mizoram tana an hnathawhte chu chhuanawm a tih thu a sawi a, Sorkar Flagship programme SEDP hnuaiah thingtlang hmasawnna chi hrang hrang kalpui a nih dawn avangin MRB te nen thawhhona \ha neih a ngai dawn tih a sawi a, a department enkawl RD hmalakna chi hrang hrangah pawh MRB te nen thawhhona \ha tak an neih thu sawiin chhunzawm zel a ngai tih a sawi.
Pu Lalruatkima chuan, MRB in Corporate Social Responsibility hnuaia mipui vantlang tana hna \angkai an thawk \hin chu lawmawm a tih thu a sawi bawk.
Pu Lalruatkima hian MRB in Bank Day puala Mualpui, Muanna In a, Refrigerator leh Carrom Board an pek te, Abundant Life Home, Durtlang hnenah 2.2 KVA Inverter, Gan Sabra, Luangmual hnenah RO Filter, Hmangaihna In, Durtlang hnenah an project pakhat tihhlawhtlin nan Rs. 50,000/- an pek te chu a hlan nghal a ni. MRB Bank Day ah hian Branch \ha thlanchhuah 10 hnenah leh thawktu zinga hnathawk tha te hnenah chawimawina an hlan a ni.
Mizoram Rural Bank hi kum 1983 khan din a ni a, tun dinhmunah Branch 85 neiin Mizoram District leh RD Block zawng zawng a tuamchhuak vek a. Government of India, State Bank of India leh Government of Mizoram ten neitu nihna intawmin mimal share nei an awmlo a, Mizoram sorkarin zaa 15 chanvo a nei ve a ni.
