Vawiina Zarkawta Rural Bank Head Office-a thuthar thehdarhtute a kawmnaahPu V Jaya Chandra hian loan scheme tharah hian cheng nuai 10 a\anga cheng vaibelchhe 2 thleng a puk theih dawn a, NGO, society leh Kohhran tan hall sak ang chi-ah sum hi a puk theih dawn a ni a ti a, a pun dan chu cheng vaibelchhe khat hnuailamah zaa 13.5 leh vaibelchhe khat leh a chunglamah zaa 13 a ni ang a ti.
Hetihlai hian an hnena loan latu, engemaw avanga rul \ha thei lote chu an fihlim theih nan ruahmanna an siam tih a sawi a, Interest tel loin zaa 25 ngaihdamna tur ‘one time settlement’ an siam tih sawiin, hetianga tha taka rul zuite chu loan thar pek leh kawngah te, loan pek tlak loh anga bank dang thlenga an hrilhchhawn ang chi pawh tih an tum lo tih a sawi. Pu V Jaya Chandra chuan, MRB-in Corporate Social Responsibility (CSR) hnuaiah Kum 2018-2019 financial year chhung khan cheng nuai 28 hu tlawmngai pawl, school, Home, damdawi in leh hmundangahte \anpuina an pechhuak tih a sawi a, kum 2017-2018 chhungin deposit cheng vaibelchhe 2147.95 an nei tih a sawi a, Mizoram chhim lam enkawl turin Regional Office hawn an tum thu leh Branch 10 vel hawn belh an tum mek thu a sawi bawk.
