He inkhawm New Secretariat Complex-a Directorate of Science & Technology Conference Room-a neih hi Planning Secretary, Dr C. Vanlalramsanga’n a hmanpui a, MIRSAC-in hnathawh \hat avanga chawimawina a dawng thei chu chhuanawm a tih thu a sawi a. Tunlai khawvel changkang zelah computer kaihhnawih thiamna hman \angkai a pawimawh thu leh hemi hmang hian awlsam leh chak zawka hna a thawh thei piah lamah dehchhuah leh tharchhuah tam zawk a thlen theih avangin nasa lehzuala \anlak a \ul a ni, a ti. He inkhawm hi MIRSAC Chief Scientific Officer, Dr. RK. Lallianthanga’n a kaihruai a, MIRSAC-in chawimawina a dawn nachhan Digital 3D Terrain Mapping & Modelling of 8 Districts of Mizoram Project buatsaih a nih dan leh hna a thawh theih hrang hrangte Senior Scientist, Pu Robert Lalchhanhima Sailo-in a sawifiah bawk.
North East Technology Sabha Award, 2018 hi kumin November 23-24 khan Guwahati-a Radisson Blue Hotel-ah sem a ni a. He lawmman hi Computer Express, Indian Express Group leh Assam sorkar bakah ramchhung leh pawna an thawhpui company 17 te \angrualin an huaihawt a ni.
