Sorkar thuchhuah tarlan danin State dang atanga lo lut turte danga, ramri venga ngawrh taka mutmu pawh tuahloa inpe YMA, YLA leh MTP te mamawh phuhruk nan an awmna YMA Group hrang hrang 15, YLA leh MTP te hnenah cheng nuai 57 pek chhuah a ni dawn a. Nimina Chief Secretary Pu Lalnunmawia Chuaungo hova thukhawm, Committee on Utilization of Chief Minister’s Relief Fund for COVID-19 in sum pek dan tur ruahmanna hi a siam a ni. Relief Fund semchhuah hmasak zawka dawng ve lo Home, Centre leh Rehabilitation Centre 24 te hnenah tanpuina cheng nuai 2 sing 9 sang 8,500 pe tura rel a ni bawk a, tun hnaia Mumbai Mizoram House-a thawkte leh mikhualte COVID-19 test-na senso cheng nuai 2 sing 5 sang 2 pawh CM Relief Fund atang hian pek a ni ang.
Mizoram pawna Mizoram House hrang hranga thleng mek, mipui kharkhip vanga tangkhangte zingah sum lama harsa tawkte tan an chaw ei man CM Relief Fund atanga pek rel a ni a, an thlen man chu Sorkarin a awl dawn a ni.
