Mizoram ramri hnaih Myanmar chhung-ah ramdang a\anga haw mi pakhat covid-19 vei hmuh chhuah a awm a, hemi nena inhnaihna nei, Champhai a\anga zin chho mekte chu Mizorama lo let rih lo turin Champhai Bethel Veng leh Zion Veng Task force ten an hrilh. Myanmar-ah hian Covid-19 kai hmuh chhuah pahnih an awm tawh a ni.

Champhai-a Zonet correspondent sawi danin, Myanmar-a hri kai hmuh chhuahte hi mipa ve ve an ni a, pakhat zawk US atanga haw hlim chu Teddim khaw mi a ni nia hriat a ni a, March ni 15 khan Myanmar a thleng a. March ni 18 khan Kaptel khuaah kalin, ni 19-ah lawmthu sawinaah a tel a, hemi tlai hian a na \an a. Inrinni khan damdawi inah dahluh a ni a, nizan khan hri hi a kai tih finfiah a ni. Kaptel khuaa Lawmthu sawinaah hian Champhai atangin chhungkaw pahniha mi 7 te an kal a, mi pathumte hi Bethel Venga mite an ni a, mi pali chu Zion Veng-a mite an ni. Bethel Veng YMA hian Kaptel-a zinte chu hri leng a reh hma chuan Mizorama haw lo turin phone hmangin an hriattir nghal tih an sawi a. Zion Veng VC te pawhin an huam chhunga mi zinte hi an biakpawh tawh thu leh, tun dinhmun Mizorama rawn lut rih lo tura an hrilh thu an sawi.

Myanmar ramri hi sorkar thupekin khar vek a lo ni tawh a ni.