Health Minister Dr R Lalthangliana ruahmanna siam angin Health Multipurpose Service Association hruaitute hian Kanhmun, Bairabi leh Vairengte-a khualzin vei vakte enfiahna, Screening Point an tlawh a. Kanhmun bikah chuan, inkharkhip a nih avangin enfiah tur hi an awm rih lova, inkharkhip hi thlahdul a nih hun hunah thawktu an indaih lo nasa dawn hle nia a lan avangin Para medical worker dah belh emaw hmun dang ami pawh khawma dah emaw a ngai dawn niin an sawi.
Bairabi-ah chuan Doctor, Nurse leh Health Worker te an hah hle a, tun dinhmunah chuan endik tur tlem deuh mahse, thawktu dah belh theih ni se an duh thu leh hri leng laka invenna thuam, PPE lamah thuam chak lehzual an duh tih an sawi.
Mizoram luhka pawimaw ber Vairengte-ah thawktute an thawhrim piah lamah an hah hle a ni, an ti a. Vairengte-ah hian thawktute an indaih rualin, PPE ah thuam chak lehzual ni se an duh tih Mizoram Health Multipurpose Service Association hian an sawi.
