Mizoram Truck Owners Association leh Mizoram Truck Drivers Association-in Thawh\anni zing dar 5 a\anga Mizoram puma bungraw phur motor an dan chu vawiin tlai dar 3:30 khan an titawp ta. MTOA hruaitute hnen a\anga ZONET thu dawn danin an hun tiam, vawiin tlai dar 5 thleng lova bungraw phur motor dan an tihtawp chhan hi motor neituten an thlawp \ha tawka an hriat avang leh naktuka Total Bandh neih tur avanga mipuiten harsatna an tawh lutuk lohna tur a ni. Bungraw phur motor-te, ni thum an dan chhung hian Mizoram Truck Owners Association hruaitute chuan Rengtekawn leh Bairabi inkar kawng, PWD-in a siam dan leh Sairang leh Kawnpui inkara hnathawh dan an en a, Bairabi leh Rengtekawn inkara kawng siam danah hmasawnna an hmu tih sawiin, Sairang leh Kawnpui inkarah erawh chuan hnathawktu an tlem avangin hmasawnna a \ha tawk lo niin an sawi. Mizoram Truck Owners Association leh Mizoram Truck Drivers Association-in ni thum kal ta chhunga Mizoram pum huapa bungraw phur motor an dan chhan hi kawng siam \ha thuai tura sorkar an phutna leh kawng siam \hatuten tluang taka hna an thawh theihna tur niin an sawi.
