Samagra Shiksha, Mizoram leh Science Teachers’ Association of Mizoram (STAM) \angdun buatsaih ni hnih awh State Level Children’s Science Congress vawi 27-na chu SCERT Auditorium, Chaltlangah zawhfel a ni a, thupuiah Science, Technology and Innovation for a clean, Green and Healthy Nation tih hman a ni a, Aizawl District atangin project 14, Lunglei District atangin 5, Champhai District atangin 4, District 3- Serchhip, Kolasib leh Mamit atangin 2 theuh, Lawngtlai atangin1, a vaiin Project 30 a lut a ni. Children’s Science Congress-a tel Child Scientist-te hi Junior leh Senior Category-ah \hen an ni a, Junior-ah Project 10 leh Senior-ah project 20 a awm a ni.
Indian Science Congress-a tel turin R.Lalnuntluangi, St.Paul’s HSS, Aizawl leh TC Vanlalmalsawma, Holy Faith English School, Lunglei te thlan an ni.
State Level Children’s Science Congress-a a ti \ha thlan chhuah 10 zinga 8 te hi kumin December ni 27-31 chhunga Thiruvananthapuram, Kerala-a neih tur National Children’s Science Congress-ah an tel ang a, team dang 2 chu nakkum January ni 3 atanga ni 7 chhunga Bangalore, Karnataka-a neih tur 107th Indian Science Congress-ah an tel dawn bawk.
Kharna inkhawm vawiin tlaia neih hi School Education Director Pi Lalzarmawii’n a hmanpui a, nimin lama a hawnna inkhawm chu SCERT Director Pi Laldawngliani’n a hmanpui thung a ni.
Children’s Science Congress hi Sorkar laipuia Department of Science & Technology hnuaia National Council for Science & Technology Communication(NCSTC) bultumin kum 1993 atang khan kum tin buatsaih thin a ni a, District Level, State Level leh National Level-ahte inelna hi buatsaih thin a ni.
