He ni hi Kohhran hrang hrang chuan an remchan danin an hmang hlawm a, hetah hian Synod-inthupui zir ho tur a buatsaih Mizoram Presbyterian Kohhran |obul I leh II chu kohhran mipuiten an zir ho a, zanin thleng hun an hmang ang. Presbyterian Kohhran hian Mizoramin Gospel Centenary a lawm kum, kum 1994 khan an kohhran din \an kum tihchian a rawt a, he rawtna ngaihtuahtu Synod chuan Presbyterian Kohhran din \an kum chu tihchian chuan ngai lovin Gospel Centenary chu Kohhran kum 100 tlinnaa a nih thu sawiin, kum 1894 January ni 11 chu an Kohhran din kumah a pawm a. Kum 2013 Synod-ah khan Kohhran din \an ni tihchian duhna thu thlen leh a ni a, Synod thu bawhzuia Synod Executive Committee-in a zir chianna chu ngaihtuahin kum 2014 Synod chuan Kohhran din kum chu kum 1894 January ni 11 a ni tih a pawm a ni.
