He meeting-ah hian Synod Secretary, Rev. R. Vanlalnghaka chuan an thil tih zinga pawimawh zual a tarlang a, chung zingah chuan nikum December ni 15-a Raj Bhavan-a sorkar thar lakluh a nih khan Synod Moderator, Rev. R. Lalhmingthanga’n Bible chhiara \awng\aiin sorkar thar Pathian hnena a hlan thu te, nikum December thlaa Synod Inkhawmpui thurel angin Pastor 77 leh Pro Pastor 30, an vaiin 107 te chu January ni 13-a lakluh an nih thu te, MPF Committee-a Synod aiawha tel turin Executive Secretary, Rev. K. Lalrinmawia leh Rev. Lalrinmawia te ruat an nih thu te a tarlang a ni.
Tun \uma Synod Executive Committee \hutkhawmnaah hian thil ngaihtuah tur pawimawh 60 zet a awm a, chung zingah chuan K|P Inkaihhruaina en\hat dilna te, Vellore Mizoram House-a Staff Nurse dah rawtna te, Home Mission North-a rawngbawlna \ha zawka kalpui dan rawtna te, tunlai thiamna hmanga nau pai leh fa neih chungchang inkaihhruaina tih danglam rawtna te, Synod Hospital Charity Fund puala thawhlawm thawh chungchang te, MLA tharte nena inkawm chungchang te, Mizo Kristian Inneihna Dan PCI-in a hman mek Indian Christian Marriage Act-in a pawm tura hmalak rawtna te, Champhaia Synod Rescue Home din rawtna te, Central Service-a Mizote an tlin tam theih nana hmalak rawtna te, ruihhlo do kawnga Synod-in chak zawka hmalak rawtna te, Mizoram Presbyterian Kohhran din ni January 11 urhsun taka hman rawtna te, Birth Control avanga Mizote an tlem zel lohna tura hmalak rawtna te, Kût chi hrang hrang hman chunchanga thuchhuah siam thar rawtna te a tel a ni. He meeting-ah hian Mizoram hmun hrang hrang a\angin member 141 an tel a ni.
