Mizoram Premier League hi September ni 5 a\anga December ni 6 thleng khian khelh tur a ni a, Mizoram Football Association leh a thawhpui Zonet Cable TV Pvt. Ltd. chuan Sony Pictures Network India Pvt Ltd nen inremna hi an siam a ni a. Mizo tlangvalte inkhel hi khawvel hmuh theih turin Sony Liv kal tlangin pholan a ni dawn a, MPL-8 inkhel thenkhatte Sony Liv OTT kal tlangin a en theih ang a, Internet leh Mobile kaltlang te, social media lamah te thehdarh a ni dawn a ni.
Sony Pictures Networks India Pvt hnuaiah hian peng hrang hrang a awm a, Sony Liv hi an internet television channel a ni a. Sony Liv OTT, website, applications leh YouTube kal tlangin MPL8 hi en theih tura chhawp chhuah beisei a ni. Sony Liv hian thla tin thlirtu maktaduai 25 vel a nei \hin a, MPL hlutna pawh nasa takin a belhchhah a rinawm tih Mizoram Football Association chuan thuchhuah siamin a sawi.
