Mizoram Pradesh Youth Congress Committee President, Dr. Lalmalsawma Nghaka, PHE Superintending Engineer, Aizawl Road South bialtu Executive Engineer, UD&PA Officer, Tuikual South Local Council leh YMA hruaituten Tennis Court a\anga Kaisara Road kawngpeng siam zauh leh kal nuam zawka siam dan tur a hmunah an en ho.

Dr. Lalmalsawma Nghaka chuan he kawng peng\huam hi kawng pawimawh tak, Tuikual South, Tuikual North leh Dinthar Veng panna kawng peng a ni tih sawiin, lirthei awlsam zawka a kal theih nan siam ngil leh siam zauh a \ul tih a sawi a, helai kawng peng\huam bula Irrigation & Water Resources Deptt. building hlui dinna ram chu he kawng siam zauhna atana hman \angkai a nih theih nan Chief Minister, Pu Lal Thanhawla leh Irrigation & Water Resources Deptt. Minister, Pu KS Thanga te hman an remtih thu te sawiin, Aizawl West II huam chhunga kawngte tunah hian siam\hat mek niin a sawi bawk.