He thu hi nimina Serchhip a tlawhnaah amah lo lawmtu mipuite hmaa sawiin, Pu Lal Thanhawla chuan tunhnaia Guwahati-a mi\henkhat inhmukhawmte hmalak dan chu a duh khawp loh thu sawiin, Pu Modi-a sorkar chuan kum 2016 khan Citizenship Act, 1955 tidanglama Hindu sakhaw betute thlavang hauhna leh ham\hatna siam tumin a bei thut a, hei hi All India Congress Committee chuan dodal nghalin Lok Sabha-a sawihona neih hmasak berah pawh Congress MP ten an dodal a, chu chu JDU, AGP leh party dang \henkhatin an thlawp hnuah thil awmdan zirchiangtu tur, Joint Parliamentary Committee din a ni a, he Committee hian Mizoram an tlawh ve loh avangin ram danpuia Fundamental Rights Article 14-na, dan hmaa ram mipuite intluktlanna a palzut a, sakhaw behchhana he dan hi siam\hat tum a nih vang pawhin hei hi Constitution a kalh niin a sawi bawk. Pu Lal Thanhawla chuan tuna Parliament Session neih chhunzawm leh takah he Bill hi pass a nih loh nan Mizoram MP pahnih Pu CL Ruala leh Pu Ronald Sapa Tlau te chuan he Bill dan tlak dan tur hi nasa takin an zawng a, Rajya Sabha-a pulut lo tura thuneitute ngen an nih bakah putluh a nih pawha paihthlak ngei a nih theih nan Party dangte pawh anmahni thurualpui turin an ngen niin a sawi a ni.
