MPCC Executive Committee hi vawiin khan Congress Bhavan-ah an \hukhawm a, Mizoram Assembly inthlanpui neih zawh taka mipui thutlukna chu an pawm thu leh Pathian remruatna nia an ngaih thu sawiin, inthlanna hmarua, EVM leh thawktute chungah sawisel an nei lo mai ni lovin inthlanna thianghlim leh felfai a awm theih nana an hmalaknaah lawmthu an sawi a. Mizoram hmun hrang hranga Congress Official Candidate vote tu zawng zawngte hnenah lawmthu sawiin, an party MLA te chu ram tana an hnathawhna turah duhsakna leh lawmpuina a hlan a ni.
MPCC chuan, MNF kaihhruai Mizoram Sorkar thar lo piang chu an lawmpui thu leh ram leh hnam tana thil \ha turah chuan theihtawpa thlawp an tum thu an sawi a. Ram leh hnam tan leh Sakhaw tana pawi an khawih a nih erawh chuan huaisen taka a tawp thlenga an dodal tur thu an sawi.
Congress Sorkarin a hmasawnna hna chi hrang hrang atana Work Order a lo tihchhuah tawh leh NLUP pek tawhte harsatna tawk an awm anih chuan MPCC in hma a lakpui dawn tih an sawi a. Harsatna nei chuan MPCC Hqrs. Congress Bhavan-ah hriattir turin an ngen a ni.
Sorkar laipuia BJP Sorkar-in Citizenship Ammenmend Bill, 2016 a duan chu sawi rik a nih tirh a\angin MPCC chuan a lo dodal tawh tih sawiin, ram leh hnam leh Mizo Sakhaw tana him lo Bill hi theihtawpin an do zel dawn tih an sawi a. Kumina Lok Sabha leh MLA Bye Election neih turah an hlawhtlin theih nan theihtawp chhuah ni se an ti bawk.
