MPCC hian, inkharkhip a nih avangin Mizoram hmun hrang hrangah ei tur nei mumal tawh lo, a leina tur pawh nei chuang lo, Task Force-ten mi tlawmngaite thawhkhawm hmanga an chawm chhungkaw engemawzat an awm mek tih an sawi a, heng mite dinhmun hi Mizoram sorkarin ngaihtuahin, \anpui chhunzawm zel thei se an duh tih an sawi a. Hnathawk thei loa inkharkhip pawhsei chungchangah pawh ni tin eichawp dapa khawsa chhungkaw tam zawkte dinhmun ngaihtuah a \ul a ni an ti a, ei leh bar dinhmunin a tawrh lutuk loh nana inkharkhip chu thlah zalen hret hret dan tur ruahmanna thar siam thuai turin Mizoram sorkar an ngen a ni.
MPCC chuan, Assam ramri a police duty dah belh tur leh, hmanraw \ha leh riahbuk \ha ngaihtuah sak turin sorkar an duh tih an sawi a. Hetiang bawk hian ramri hmun hrang hranga tlawmngaia duty mek Village Level Task Force-te pawh an duty hun chhung a la rei dawn avangin lawmman siamsak an rawt a, ei tur leh an mamawh apiang Mizoram sorkarin ngaihtuah sak se an duh tih MPCC hian an sawi.
