Ni 14 zet kan inkharkhip chhunga Mizorama COVID-19 vei pakhatmah hmuh belh a ni lo chu lawmawm an tih thu an sawi a. Hetihrual hian natna hi ram chhung hmun dang, a bikin \henawm state-ah nasa taka a darh mek si avang leh mipuiin ei leh bara harsatna an tawh chhoh tak mek avangin Mizoram sorkar pawhin ruahmanna thar siam a, hma thar a lak a ngai a ni, an ti a. Chief Minister, Minister leh MLA-te pawh an bial tan chauha hma la lova, ram hruaitu an nih anga Mizoram pum thlir a, chak lehzual hma an lak a hun a ni an ti a. Mizoram sorkar chuan COVID-19 dona tur sum a nei lo tih thup lova a puan a hun ta hleah an ngai tih Congress party hian an sawi.
