Mizoram Pradesh Congress Committee-in chhiatna liantham thleng lova Krismas leh Kum thar hman zawh a ni thei chu lawmawm an tih thu leh Kum thar 2020 chu Mizoram mipuite tan malsawmna dawn kum ni se an duh thu an sawi.

MPCC hian MNF kaihhruai Mizoram sorkar chu mipui tan hmasawnna hna tluang taka an thawh theih an beisei tih sawiin, hetihrual hian central-a sorkar-na chelhtu BJP-in Hindu lalram siam a tumna kal zelah kum 2020 hi Uniform Civil Code an tih mai, India rama sakhua leh hnam tih dan hrang hrangte Hindu kalphung anga her rem tuma hma an lak \an hun tura an lo puan lawk tawh a nih avangin Mizo Kristian-te leh Mizo Hnam tan he kum 2020 hi kum pawimawh tak a ni dawn a ni an ti a. MPCC chuan kum 2020 hi Mizoram mipui zawng zawngte hnam leh sakhua humhim tura nasa lehzuala \anrual kum, Hnam lungrual kumah puan theih nise an duh thu leh Mizote chu CAB hmanga palzut an ni tawh avangin, UCC hmanga palzut an tum leh mekna chu tiamchin awm lo an dodal theih nan inpuahchah turin Mizoram mipui an ngen tih an sawi.