Power tihsan rawtna chungchanga mipui aiawha telte zinga mi, Pu Vanlalruata hian, P&E deptt in Bill tih sanna tura rawtna an thlen chu \um dang zawng aiin a sang tih a sawi a, mipuiin eng chhit man an chawi tur chhut danah a bill ngawr ngawr ni lovin, phai lam Mizorama lak chhohna te, thawktu hlawh te, Loan lak pung te leh thil dang te an chhut tel \hin avangin a sang \hin hle a ni a ti a, hei hi kum dangah pawh an lo sawisel tawh \hin tih a sawi.
Pu Vanlalruata hian, eng chhit man tih sanna tura P&E in rawtna an thlenah hian zaa 90 velin chawhrualin a sang tih a sawi a, hei hi an pawm theih loh thu a sawi a, a sanna chhan an thiam anga an zirchian hnuah kawlphetha leina bakah thawktu hlawh sang lutuk chu a chhan lian tak a nih thu a sawi a, Mizoram aia power mamawh tam Manipur aiin Mizoramin thawktu hlawhah a seng tam zawk a, nikum khan cheng vaibelchhe 54.16 chu JERC in a pawm chin a ni a, tuna rawtnaah chuan cheng vaibelchhe 151.56 a ni ta a, cheng vaibelchhe 96 velin ahmaa aiin thawktu te hlawh a pung a ni a ti a, hlawh pung chu an dodal ngawr ngawr ni lovin mipui ten bill hmanga an pek a ngai tur chu, mipuite tawrhna thlentu tur anih avangin an pawm thei lo tih a sawi.
