Khapna thupek bawhchhia-a vawk laluttute hi Bawngkawn Police Station-ah thubuai siamsak an ni. Zirtawpni khan Seling daiah 207 pick-up pasarih-a phurh, vawk 82 man a ni a, Police te hian Seling daiah lo changin vawk phurtute leh an vawk phurhte hi an lo man a ni. Heng vawk 82 zinga 7 te chu man a nih hnu hian a thi a, Selesiha AH&Vety hmunah Inrinni khan phum nghal a ni.
Heng vawk neitu nia puh Hmingthangvela leh Lalrinzuala Champhai Venglai, Lalthantluanga Champhai leh Vanlalawia Champhai Bethel Veng leh Lalnunthara Champhai Zotlang, Joel Vanlalthuthlungliana Champhai Electric Veng bakah Lalthanzauva Mualkawi te hian vawk 82 an phurh te hi Myanmar ramri Melbuk a\anga an phurh a ni a, vawk neitute a puh te hi Inrinni khan court-a hruai an nih hnuah bail a chhuah an ni.
Bawngkawn police-te hian an thu dawn bawhzuiin nimin tuk khan Zemabawk daiah 207 pick-up truck pathum hmanga Aizawl-a phurh luh tur vawk 39 an man leh a, heng zinga 6 chu a thi sa a ni a, a phurtute hian a \hen chu rep turin an buatsaih a, a \hen chu chhawla khuhin hralh an tum ngei nia a lan thu AH&Vety dept hotute chuan an sawi. Vawk 39 neitua puhte hi Lalfakawma Bethel Champhai, Thangrokima Tuirialleh Lalnienga Bethel veng Champhai te an ni.
