A kharna inkhawm vawiina neih chu Vanglaini Editor, Pu K. Sapdanga’n hmanpuiin, Role of Media and Network tih a sawi a. Police leh chanchinthar thehdarh hna chu thil inzul tak, inpersan tan nibawk si nia sawiin, Police Officer-te chu an hna an thawhna kawngah midang a nghawng theih dan ngaihtuah tel \hin turin a chah a ni. Pu K. Sapdanga chuan, dan bawhchhe lote chungah zalen takin hleilen a thing lova, hetihrual hian thil tisualtu man chhuah an ngaih tho avangin hma an lak a ngai thova, hetiang thilah hian fimkhur taka hna an thawh a ngai a ni, a ti a. Media hna ber chu thil thlen dan kimchang mipui hnena hriattir a ni a, hei hi Police lam hna nen a inkalh chang a awm \hin avangin an hnathawhnaah reng reng an fimkhur a \ul a, Mizo society chu inhmelhriat deuh vek leh inchhung kual \hem a nih avangin Police tan pawh dan lekkawh chungchangah tih deuh bur theih loh chang a awm a, media pawhin a thil ziah tur zawng zawng a ziak vek a rem loh chang a awm \hin niin a sawi. Police Officer-te chu khawvel pumah Office tia koh an nih avangin an hna zahawm tak chu dikna nena hlenchhuah tum turin a chah bawk.
He Training hi Sorkar laipui Social Justice and Empowerment Ministry hnuaia National Institute of Social Defence puihnaa Mizoram Police Headquarters-a Training Branch-in a buatsaih a ni a. Hetah hian District hrang hrang a\angin Police Officer-te an tel a ni.
