Lower Chanmari-a Mizoram Peoples Party Pisa thar chu vawiin chawhnu khan Rev. Vanlalzuata’n a hawng. Hemi puala inkhawm buatsaihah he pawl President, Pu C Lal\anpuia chuan, an party chu tun hmaa Political party ding tawhte ang a nih ve loh thu a sawi a, chan ngamna nena ram siam \hat chu an thupui a nih thu sawiin, an party kalphung tur pawh Pathian rawn chunga siam niin a sawi. Pu C Lal\anpuia chuan, party \henkhatin sem policy an hman chhan chu anmahniah mipui hip tur hmathlir leh policy \ha a awm loh vang niin a sawi a, phat marna nena thusawi kawp \hinte chu ram siam tura an hmantlak loh thu sawiin, MNF chu bumna hmanga sei lian, takna leh thil \ha hmuh tur awm lo party nia a sawi b^kah Congress party pawh ram puma chh<tin thil \ha leh ram hmasawnna tur ngaihtuah ngai lo niin a sawi. Pu C Lal\anpuia chuan, ZPM hruaitute an rin ngam loh chhan chu an fing mah mah niin a sawi a, he pawla PRISM an tel ve loh chhan pawh seat chungchangah an inrem theih loh vang niin a sawi. Mizoram Peoples Party hi tun thla ni 22 khan din a ni a, tuna an pisa hi an President Pu C Lal\anpuia’n an in, a thlawna a luahtir a ni. He inkhawm hi an pawl Vice President, Pu Vanlalhuma’n a kaihruai a, Sr. Vice President Pi Hmingthanzami leh mi dangten thu an sawi a, General Secretary report ngaihthlak a ni bawk.
