MPF hruaitute hi MPCC, MNF leh BJP pisa-ah te kalin, an hruaitute an kawm a. BJP pisa-ah leng hmasa berin an President Dr. JV Hluna hoin an lo dawngsawng a, MPF Vice President Rev. B Sangthanga’n BJP-te’n Booth Level Workers Meet an buatsaih tuma pawisa an sem tih report an dawn thu a sawi.
Hemi chungchangah hi chhangin BJP President Dr. JV Hluna chuan R Dengthuama Hall-a kalkhawmte chu kalna lirthei man chauh pek an tiam tih sawiin, Pawisa sem chu sawi loh kal man pawh an inpe kim thei lo niin a sawithung.
MNF pisa an tlawhnaah MPF hruaitute hi MNF Campaign Directorate Vice Chairman Pu K. Vanlalauva’n a lo dawngsawng a, an kal chhan sawitu Rev. B. Sangthanga chuan Aizawl East-II MNF Block inkhawmpuiah ruai an \heh tih an hriat thu a sawi a. Engahmah hmaa inremna bawhchhiat chu ram hmangaihtu tih turah an ngaih loh thu a sawi.
MNF hruaitute chuan inhriat fuh tawk loh vangin he thil hi a thleng niin an sawi ve thung a, MPF leh political party-te thawhhona thuthlung chu \ha taka vawn an duh tih a sawi.
MPF hruaitute hi MPCC pisa an tlawhnaah General Secretary Pu RL Vala hoin an lo dawngsawng a, an kal chhan sawitu Rev. B Sangthanga chuan, Hrangturzo biala candidate hoa zinte’n East Lungdar leh Khawlailunga party workers meet-ah ruai an buatsaih thu leh hei hi mikhual chaw eipui saitliah a ni lo tih an ran talh a\angin a lan thu a sawi a. Aizawl South-III huamchhungah pawh ruai \heh thawm a awm leh tih a sawi.
MPCC hruaitute chuan block conference buatsaih a nihin, khaw hrang hrang atanga an kalkhawm \hin thu sawiin, Sawhchiar pir turte buatsaih chu tih loh theih loh a nih thu an sawi a. Chutiang bak chu ti lo tura an inhrilh nasat thu leh MPF hotute thil sawi chu lo enfiaha hmalak dan tur an lo ngaihtuah tur thu an sawi.
