Mizoram People Forum (MPF) Governing Board vawiina Synod Office Committee Room-a \hukhawm-in Lok Sabha inthlanna hunreilote hnuah neih tur chungchang leh Aizawl West I biala Assembly by-election neih tur chungchang an sawihova, party hrang hrang nen thawhhona thuthlung an siam te an ennawn bawk.

He inkhawm hi Synod Executive Secretary, Rev. H. Lalrinmawia’n a kaihruai a, hetah hian MPF General Secretary, Rev. R. Lalnuntluanga’n an hmalak tawh dan leh thil tarlan ngaite a tarlang a, chung zingah chuan kumina National Voter’s Day
January ni 25-a hman chungchang leh nikuma Mizoram Assembly inthlanna neih chungchanga hnathawh \hat vanga lawmthu sawina Certificate of Appreciaton leh National Voters Day Award 2019 Chief Electoral Officer, Ashish Kundra hnen a\anga an dawn thu te, inthlanna neih zawha sorkar siam fel a nih hnu, tun thla ni 11-a Chief Minister, Pu Zoramthanga a pisaah MPF Board Executive Member-ten an kawm thu te tarlan a ni.