Mizoram Oil Tanker Drivers Association leh All Mizoram Petroleum Dealers Association hruaituten inremna siamin naktuk a\angin MOTDA in oil phurh an chhunzawm leh dawn.

MOTDA te thil phut chungchang hi vawiin khan Supply Secretary Pu HL Rochungnunga hovin a pisaah MOTDA leh AMPEDA hruaituten sawi hovin an inrem a. An inremna ang chuan AMPEDA-in Mizoram Sorkarin MR Skill 2 hlawh a tuk angin Oil Tanker driver te hlawh an pe tawh ang a, hei bakah an hnuaia thawk dangte pawh Minimum wages zulzuiin hlawh an pe \hin tawh dawn a, Tanker Driver-te chu an thawh dan leh, an tlan dan milin an mamawh tawk road ration pek \hin an ni dawn bawk. Inremna an siam theih tak avang hian tanker driver te hian Zirtawpni a\anga oil an phurh duh loh chu sutin oil hi an phur chhunzawm leh nghal dawn a ni.