ZONET zawhna chhangin Mizoram Oil Tanker Drivers Association hruaitute chuan, Mizofed leh All Mizoram Petroleum Dealers’ Association ten an thil phut ang an tihthlawhtlin theih loh avangin Load an la lo tih an sawi a, tun dinhmunah driver ten thlakhatah cheng 3000/4000 vel hlawh an lak bakah Aizawl leh Silchar inkar Updown nan Ration man ah cheng 700/800 vel paitir an ni \hin tih an sawi a, hei hi a beithamin an indaih tawh lo tih an sawi a, hei bakah Pump Allowance pawh pek an ni ngai lo chu pe ve tawh turin an phut tih an sawi.
Bharat Petroleum, Hindustan Petrolieum leh Assar phur tute chuan Mizorama oil an phurh thlenin an dahna Pump ten Allowance cheng 4000/5000 te an lo pe \hin tih an sawi a, hetihlai hian Indian Oil phurtu MOTDA member te erawh chuan an dawng ve ngai lo niin an sawi.
MOTDA hruaitute chuan, Oil an phurh chu a lo phai a nih chuan an thla hlawh a\anga rulhtir \hin an nih thu an sawi a, an hlawh a beitham avangin hetiang an tawh chang hian thla hlawh lak tur pawh an nei mang lo \hin tih an sawi a, tuna an thil phut thla hlawh tih san leh Pump allowance chu an hlawhtlin hma chuan load lak an tum lo tih an sawi.
Hetihlai hian kawng laka Oil phur rawn thang mek te erawhchu dang lovin an chhuah zel tih an sawi a, vawiin lamah erawh chuan Oil phur hmuh tur an awm tawh lo a, Load la pawh an awm tawh lo tih an sawi.
