Inkhawm hi an pawl Vice President, Pu Zoremtluanga’n a kaihruai a, an pawl President, Pu C. Remtluanga chuan, Muster Roll-a thawkten an dikna chanvo humhalh tura \an ho a ngaih thu a sawi a, MR-a thawk an nih avanga insit tur an nih loh thu leh duhdah taka chhawr tur an ni bik lo tih inhre turin thurawn a pe a ni. Pu C. Remtluanga chuan, MR-a thawk \henkhat zak an awm \hin chu pawi a tih thu sawiin, mahni nihna zahpuite chu pawl tan \hanmawhbawk niin a sawi a, sorkar hnuaia ham\hatna awm thei te an duh ve leh tho avangin hetiang rilru pu te chu sim turin a fuih a ni. Pu C. Remtluanga chuan, MR \henkhat mahni hnathawh tur dik hlel deuha thawk an awm niin a sawi a, hetianga mahni nihna pawh hre chiang lo an awm chu \ha lo a tih thu sawiin thla tin hlawh an lak avanga lungawi mai lo tur leh an nihna a dik taka Department pawhin a vawn theih nan a dik lo lai a awm em tih inenchiang ngam leh MR-te zahawmna siam turin anmahni \heuh an pawimawh tih inhre thar turin a chah bawk.
Chawhnu lamah ro an rel a, an thurel zingah Mizoramah Labour Court-a awm theih nan chak zawka hmalak an remti a, an pawl dan ennawn an remti bawk. He inkhawmah hian an hruaitu thar an thlang nghal a, chungte chu President-ah Pu C. Remtluanga, Vice President-ah Pu Lalhruaitluanga leh Treasurer-ah Pu Lalrinchhana te an ni.
