MIMA hian ILP chu mizo hnam himna lungpui nia sawiin sawinghin a ni mek niin an sawi a, GST hmangin nasa takin Mizote run an tawk a, Mizorama sumdawn phalna nei turin kum hnih chhung atan ILP neih a ngai a, chutiang dan \ha nei chung chuan GST hnuaiah online-in trade Licence dil theih anih avangin hnam dang tam takin Trade Licence an nei tawh a ni an ti a, Mizoram luhna checkgate-ah te sum duh avangin ILP nei lo an lut zel nia an hriat thu an sawi bawk.
Mizoram sorkar chu sumdawnna kawnga Mizo hnam himna tura hmalatu tur ILP board a rang thei anga din turin MIMA hian an ngen a, Mizorama sumdawng turin hnamdang tan ILP kium 2 nung ngei neih a ngai tih Dan chu a taka kengkawh tur leh ILP nei lova sumdawng te dap chhuaka hmala turin an ngen tih an sawi. MIMA han Myanmar a\anga lo lut Foreigner tam tak, Mizoram hmun tin fang kuala sumdawng leh dawr siam te an awm nia sawiin heng mite hian chhiah an pek loh avangin sorkar tan sum tam tak hlohna a ni an ti a. Hetianga sumdawngte lakah pawh dan anga hma la turin sorkar an phut bawkl a, AMC Licensing Regulations-ah hnam himna tur a awm lo nia sawiin, sumdawngte AMC hnuaia inziak lut lo turin an duh tih an sawi bawk.
