Mizoram Maxi Cab Owners’ Association-in kum 2016-a Mizoram Sorkar-in Maxi Cab Permit, Route Wise-a a thlak chu kumin May thla ral hma ngeia All Mizoram Permit-a thlaksak leh an nih loh chuan June ni 1 a\anga tiamchin awm lova lungawi lohna lantir an tum thu an puang. Mizoram Maxi Cab Owners’ Association hian vawiin khan Bawngkawna an pawl General Headquarters Pisa-ah Special Assembly an nei a, vawi engemaw zat Maxi Cab chuan man ennawn sak tura Transport Minister leh Department an ngenna vawiin thlenga tihhlawhtlin ala ni lo chu an lungawi lo hle tih sawiin, Maxi Cab chuan man hi kumin May ni 1 a\ang chuan Metal Road-ah Kilometre khat zelah cheng 3 leh Metal Road ni lovah kilometre khat zelah cheng 3.50 a lak ni se an ti a. All Mizoram Maxi Cab Permit chu Mizorama Maxi Cab awm tirh a\anga an lo hman tawh a nih thu sawiin, hei hi sorkar-in tidanglam a, kum 2016 a\anga Route Wise-a a thlak chu an duh loh thu sawiin, an Permit chu May thla ralhma ngeia All Mizoram Permit-a thlak sak an phut tih an sawi a. Tun hmaa Fitness Fee cheng 200 ni \hin cheng 600-a tihsan a nih chu an duh loh thu pawh sawiin, Fitness Fee hi tun hmaa an chawi \hin cheng 200-ah tihhniam leh an duh thu an sawi bawk. Vawiina Mizoram Maxi Cab Owners’ Association Special Assembly hi an pawl President, Pu C. Lalthanmawia’n a kaihruai a ni.
