Mizoram Mathematics Society leh Science, Technology and Innovation Council tangkawpin vawiin khan Mizoram hmun hrang hrangah Pawl 5, pawl 7, pawl 10 leh 12 zirlaite tan Mathematics inelna a buatsaih a. Aizawla Pachhunga University College-a intihsiakna buatsaihah zirlai 2,203 an tel a ni. Mizoram Mathematics Society hotute chuan, he inelna hi Mizo zirlaite rilrua Mathematics hlauhna tihbo a nih theih nana buatsaih a nih thu an sawi a, kum 2007 a\ang khan kum tin buatsaih an buatsaih a ni. Hetiang inelna hi Lunglei, Champhai, Serchhip, Mamit leh Saitualah pawh buatsaih a ni a, Aizawl Centre-ah zirlai 2,203-in Exam hi an hmachhawn a, Lungleiah zirlai 694, Champhaiah 284, Serchhipah 288, Mamitah 20 leh Saitualah zirlai 153, an vaiin zirlai 3,642-in he inelna hi an hmachhawn a ni.
Mizoram Mathematics Society hotute chuan, tun tuma exam chhanna hi a \um khat nan Optical Mark Recognition (OMR) hmanga endik a nih tur thu leh he inelna buatsaihna senso petu, Mizoram Science, Technology and Innovation Council leh OMR hmanga chhanna endik a nih theih nana puitu Zoram Educational Trust chungah an lawm hle tih an sawi.
