Mizoram Truck Owners’ Association (MTOA) leh Mizoram Truck Drivers’ Association (MTDA) hruaitu leh member te hi Rangvamual a, an site office leh Kawnpuiah an duty a, lirthei lian chi Aizawl lam pan leh Silchar lam pan turte chu thil awmdan hrilhin an tlantlang zui lo a, buaina emaw harsatna emaw thleng a awm lo a ni.
Sorkar lampawhin buaina chhuak thei veng turin police engemawzat an duty tir a ni. Mizoram Truck Owner President Vanlalduata chuan, kawng chhiat avanga lirthei lian chi an ding chu PWD ten kawng chhia chak zawka an siam theih nan hun an pe nia an ngaih thu a sawi a, an thil tih chu politics a in chirh theh nan hmang lo tura an duhthu sawiin kawng hi zawh theih a, siam a nih veleh an tlan leh nghal dawn tih a sawi a, mipuite pawh chiai lo se an duh tih a sawi.
