Mizoram Truck Owners Association MTOA leh Drivers Association, MTDA hruaitu te hian vawiin khan PWD changtu Chief Minister Pu Zoramthanga hi a pisa-ah hmuin, Mizoram mamawh lakluhna ber Kawnpui leh Sairang inkar kawng chu a chhiat luttuk avangin, truck rit phur an tluk phah nasat thu te, an motor in a chhiat nasat phah thute leh a khalhtu mihring nunna atan pawh hlauhawm a nih tak avangin tlan ngam chia an ngaih tawh loh thu an hrilh a. Nilaini thlenga sorkar in siam\ha tura kut a thlak lo a nih chuan, Ningani a\ang chuan Kawnpui leh Sairang inkarah hian an tlan ngam tawh dawn lo tih an hrilh a ni.
Chief Minister hnena an thu thlen hi MTOA leh MTDA te hian Joint Meeting kova an thutlukna a ni tih an sawi a, kawng chhiat chungchang hi vawi tam tak Mizoram PWD ah an lo thlen tawh \hin tih sawiin, Chief Minister Pu Zoramthanga hnenah pawh an lo thlen tawh tih an sawi a, tun dinhmunah a chhe satliah pawh ni tawh lovin truck rit phur te a tlu tawp tawh tawh a ni an ti.
Motor lian te an din vanga Mizoramin nitin mamawh leh eibar lakluh kawngah harsatna a tawk a nih pawhin a mawh phurtua an inngaih loh Motor lian enkawltu pawl pahnihte hian an sawi a. Kawng siamtu contractor chuan a siam zawh a\anga kum engemawti chhung a enkawl zui tur ni mahse, contractor hian kut a thlak zui lo nia an hriat thu te sawiin sorkar chu hmala thuai turin an duh tih an sawi.
Cachar Drivers Association pawhin an hmalakna hi an thlawp tih Zonet zawhna chhangin MTDA President Pu Zodinpuia Zote chuan a sawi a, Nilaini thlenga kutthlakna a awm lo anih chuan Ningani a\ang chuan he kawngah hian bungraw phur lirthei lian te an tlan tawh loh tur thu a sawi.
Amah hmutu MTOA leh MTDA hruaitute hnenah hian Chief Minister Pu Zoramthanga hian kawng siamna tur hian pawisa a awm thu a lo hrilh a, ruah tui a tlak nasat avangin a chhe zual lai lung-a vawm khah bak tih theih a awm rih lo tih sawiin, PWD E-in-C pawh Kawngpui leh Sairang inkar kawng chungchang hi a sawipui tawh tih a lo hrilh a, Inrinni khan he kawng endik tur hian PWD SE tirh a ni a, chak thei ang bera hma lak a nih theihna turin PWD E-in-C a biak nawn leh nghal tur thu a lo hrilh a ni.
