ZNP President, Lalduhoma’n tuna Mizoram mamawh ber chu beiseina thar neih a ni tih vawiina ZPM chhung inkhawmah a sawi. Sorkar siam tawhte’n mipui mai bakah Kohhran hial an ti beidawng tawh nia sawiin, heng mite avang hian Sorkar la siam ve lo leh tihsual la nei ve lote thlengin rin loh an hlawh phah a, mipui thinlungah tupawh sorkar se, eng an ni bik chuang lo ang tih \awngkam hial a chhuah phah niin a sawi a, beiseina thar neih a \ul takzet tih a sawi. Pu Lalduhoma chuan, beidawnna chu Setana hmanrua a nih thu leh, beiseina chu Pathian hmanrua a ni tih sawiin, Mizoram hi siam\hat theih a la ni tih a sawi. ZPM Secretary General, Pu K. Sapdanga sawi danin, ZPM hian tun thla ni 26, karleh thawh\an zan dar 7 hian Bairabi-ah ‘Ramri Seminar’ a buatsaih dawn a, hetah hian ZNP Vice President, Dr. Kenneth Chawngliana thuziak an zir ho anga. March ni 27 zan dar 7-ah Koalasib neih leh tur niin, MPC President, Pu Lalhmangaiha Sailo thuziak an zir ho ang a. March ni 28 zan dar 7-ah Kawnpuiah ZPM Val Upa Council Chairman, Pu Lalfakzuala hovin Ramri Seminar hi neih leh a ni a. Vawiina ZPM chhung inkhawm hi ZPM Steering Committee Chairman, Pu Lalliansawta’n a kaihruai a ni.
