MNF Party office Mizo Hnam Runah thu sawiin, Home Minister hian Mizorama khua leh tui dik takte chhinchhiahna tur dan, The Mizoram Maintenance of Household Registers Bill hi vanduithlak takin Governor in a pawmpui thei lova, President ngaihtuah turin a thawn a ni a ti a, Mizo ten engemaw ti tala inhuminma tur an siamah harsatna a siam sak a ni a ti tih sawiin, engtikah nge hman theih a ni dawn tih sawi a har a, a thi sawn dawn nge hman theihin a awm dawn tih chu ngaihtuah tham tak a nih thu a sawi. Hetihrual hian sorkarin theihtawpin hma ala chhunzawm zel dawn tih Home Minister hian a sawi.
Assam National Register of Citizen chungchangah Pu Lalchamliana hian, NRC a hming chuang lo mi nuai 19 vel ten Mizoram an rawn luh loh nan rang takin Mizoram sorkar chu a inbuatsaih nghal tih a sawi a, ILP pekchhuahna hmunte pawh NRC a chuang lo te chu pek loh tur tia hraittir nghal an nih thu leh ramria Police check post hrang hrang te pawh inralrin tir vek an nih thu a sawi a, Serkhan lamah mobile checking neih a ni bawk tih a sawi. Pu Lalchamliana chuan Assam-a NRC avanga Mizorama rawn lut mi 100 vel an awm thu leh heng mite hi thawnlet an nih thu a sawi bawk.
