Pu C Lalsawta hian, ACB leh Lokayukta chungchang zawhna chhangin “Danah chuan Lokayukta a din velah Corruption case zawng zawng chu ACB a\angin transfer a ni,” tih a ni a, inquiry wing leh officer-te lak luh an la nih loh avang te, ACB lamin an transfer rih loh avang tein he dân hi a la hlawhtling thei lo tih a sawi a. Lokayukta-ah hian thubuai 10 chuang a lut tawh tih sawiin, eiru-a puhte zingah milian tak takte pawh an tel tih a sawi.
Contempt of Court Act, 1971 in Court zah lohna thubuai siam theihna High Court-a pek ang chu Lokayukta pawh pek a ni tih Pu C Lalsawta hian a sawi a, Lokayukta hian sorkar hnathawk dan bawhchhia chu lungin tantira hrem aiah hlemhletna hmanga bungrua, sum leh pai a lo khawlkhawm te chu mana chhuhsakin emaw, vantlang sum a tihchingpen rulh tirin emaw a hrem thei tih a sawi.
Lokayukta in thubuai a siamsak theihte hi sorkar hnathawk zawng zawng bakah Chief Minister, Speaker, Deputy Speaker; Minister; MLA nilai leh ni tawh zawng zawng, sorkar hnathawk zawng zawng, Parliament leh State Legislature-in a din emaw sorkar a\anga sum dawng Board, Corporation, Authority, Company, Society, Trust leh autonomous Body ang chi te-a officer leh hnathawk zawng zawng te a huam tih Pu C Lalsawta hian a sawi a, mimal tupawh sorkar hnathawkte eirukna kawnga lo thurualpuitute pawh Lok Ayukta hian thubuai a siamsak thei tih a sawi bawk.
Lokayukta Chairperson Pu C Lalsawta Zonet in a kawmna hi zanin dar-8 ah ZONET ZAWLBUK ah tihchhuah a ni ang.
