Mizoram leh Assam inrinaa Inner Line Reserved Forest, square mile 509 huam chhung chu vawiin khan enfiah chhunzawm leh a ni a. A enfiahtu Joint Verification Team-te chu Group 4-ah in\henin hmun hrang hrang an enfiahna a\angin dan lova in sak 74 an chhinchhiah leh a, vawiina an enfiah zingah hian Zophaia IR Camp bula SSA School leh a chhak tlanga Assam Police Camp-te pawh a tel a, enfiahna hi vawiin khan zawh hman ni lo mah se, Assam lamin sakhaw hun pawimawh an neih vangin kar leh Nilaini-ah chhunzawm leh a ni dawn a, hetah hian enfiah hmabak Zophai chhak tlang letliam Baibun lui kam leh a chheh vel endik a ni dawn a ni. Puan tawh angin, Inner Line Reserved Forest Area square mile 509 huam chhunga dan phal loha thil tih a awm leh awm loh hi sorkar laipuia Home Affairs Ministry ruahman angin Joint Verification team-in nimin a\ang khan a enfiah \an a, enfiahnaa telte hnen a\anga ZONET thudawn danin nimina enfiahnaah hian Zophai leh Tlawng lui kam lehlama Inner Line Reserved Forest huam chhunga dan phal loha in sak 34, kuhva huan leh huan dang bakah sangha dil engemawzat leh dan phal loha thil tih dangte enfiahin an chhinchhiah a, hengte hi Assam lam thil tih vek nia hriat a ni. Inner Line Reserved Forest huam chhunga dan phal loha thil tih zawng zawngte hi tun thla ni 30 ral hmaa enfiah kim tur a ni a, enfiah kim a nih hnuah a chhinchhiahna lehkha te nen an thil hmuh dan chu sorkar laipuia thuneitu sang zawkte hnenah thawn a, a chinfel dan zawn zui tur a ni dawn a, huntiam chhunga an enfiah zo hman lo a nih pawhin hun dil belh tura ruahman a ni.
