Mizoram leh Assam inrinaa Inner Line Reserved Forest Area square km 509 huam chhunga dan phal loha thil tih chi hrang hrang te chu naktuk a\anga enfiah \an a ni dawn. ZONET zawhna chhangin Home Secretary, Pu Lalrinliana Fanai chuan Inner Line Reserved Forest huam chhunga dan phal loha thil tih enfiah hna hi Bairabi bula Zophai a\angin \an a ni ang a, hetah hian Kolasib District Bawrhsap pawh District hotupa ber a nih angin Convener atan leh hruaitu atana ruat niin a sawi a ni. Inner Line Reserved Forest dinhmun enfiahtu Mizoram team chu Conservator of Forests, Pu Lalthlamuana Pachuau-in a ho ang a, Assam team chu Conservator of Forests Silchar-a mi, Pu Binay Gupta-a’n a ho dawn a ni. Heng mite hian Assam lama Hailakandi leh Cachar District ten Mizoram an ri-na laia Inner Line Reserved Forest huam chhunga dan bawhchhiaa thil tih awm nia sawi te an enfiah hnu-ah an thil hmuh dan chu thuneitu sang zawk hova ngaihtuah zui turin an thawn dawn a ni. Hemi hma nimin khan Kolasib Bawrhsap, Pu R. Zarzosanga ho Mizoram team leh Assam team, Cachar leh Hailakandi District aiawhtute chu Cachar District-a Dholai-ah an inhmukhawma, hetah hian Union Home Secretary, Pu Satyandra Garg-a hova March ni 28-a Zophaia an inhmuhkhawmnaa thil tih dan tur an r>l bawhzui dan tur an sawiho a ni. Puan tawh \hin angin Mizoram leh Assam inri-naa Inner Line Reserved Forest sq.km 509-a zau huam chhungah dan bawhchhiaa thil tih tam tak a awm nia sawi avang leh Zophaia Pu Ch. Chhunga leileta MZP ten Zofate Chawlhb<k sak an tum, Assam Forest Deptt. mite leh Police ten an dodal hnuah ramri chungchanga thil dik lo awm leh Forest Reserved huam chhunga thil tih dan dik lo awm nia sawi te hi chingfel tura bawhzui mek a ni ta a ni.
