Mizoram leh Assam ramriah Assam Forest Department-in hmathar a la tih hriat a nih ve leh hian Vairengte mipuite a hmunah kalin thil awmdan an enfiah nghal a, Lailapur mite nen an inhnialbuai deuh mah se, buaina nasa zawk thleng lovin mipuite chu sorkar hotuten an khapdai thei a ni.
Vaireng Civil SDO, Pu Isaac Lalrempuia’n Zonet zawhna a chhan danin, Lailapur bula Assam Forest Department Building luah tawh loh chu tun hnai khan chei\hat a ni tih hriat a ni a, hei hi tukin dar 9:30 vel khan Vaireng Civil SDO hovin Vaireng SDPO ten an enfiah a, Assam Forest Department chuan helai hmuna Forest Department Building hi Sipai an luahtir \hin a, sipaiten an chhuahsan hnuah Assam Forest Department hian, tun hnaiah Building chung leh kawngkhar chhiate an chei\ha tih an lo hrilh a ni.
Mizoram sorkar aiawhte chuan tunhma a\angin ramri buaina a awm tawh \hin avang leh Cachar DC leh Kolasib DC inbiakna dinglaiah ramria hmathar lak a nih dawn reng rengin inhriattir hmasak tur tih a nih avangin Assam Forest lamin Mizoram sorkar hotute hriattir hmasa lova hetianga hma an la chu \ha lo an tih thu leh hei hi chawlhsan se an duh thu an hrilh ve thung a ni.
Vaireng Civil SDO chuan he thil thleng hi vawiin khan Kolasib Bawrhsap, Pu Zoengsanga hnenah a hriattir nghal a, Bawrhsap hian thil awm dan enfiah turin Vairengte hi a pan nghal a ni. Vaireng Civil SDO, Pu Isaac Lalrempuia chuan, kumin kumtir lam khan Assam Forest Department hian helaia an hmun hlui hi hung an lo tum tawh thu leh hemi \um hian hung an lo phal loh tawh thu a sawi a, vawiina ramri buaina an tlawhnaah hian Assam Forest RO nen an inhmuh thu leh Dholai lama inbiak a rawt thu sawiin, a pantu nih a tum loh thu leh thuneitu sang lam inbiakna tur a nih thu a hrilh tih a sawi a. Helai hmuna Assam Forest Department hmalakna chu thil puitham tak ni lo mah se, tunhmaa thuthlung awm sa bawhchhiatna a nih avangin hmalak tir an remti lo tih Pu Isac Lalrempuia chuan a sawi.
