Mizoram leh Assam Chief Secretary inbiaknaah ramri chungchang chipchiara sawi a ni dawn lo tih Home Minister, Pu R. Lalzirliana’n a nemnghet a, MZP-in Zophai hmuna Zofate chawlhbuk sak a tum chungchang erawh sawi chhuah a ni dawn tih a sawi.
He thu hi vawiina Assembly Budget Session zawhna leh chhanna huna MNF member, Dr. K. Beichhua zawhna leh zawhbelhna dangte a chhannaah Home Minister hian a sawi. Tunhma deuha Mizoram chhunga helpawl Training-na hmun a awm \hin anga sawi chu tun Sorkar Term kal mekah hi chuan hriat tur a awm tawh lo tih leh a awm sate pawh senghawi a nih tawh thu pawh Home Minister hian sawiin, Mizoram Sorkar leh HPC-D helpawlin inremna zawnga inbiakna an neih mek pawh a hmawr bawk a ni dawn hnai a, thla thar chhung hian MoU ziah hman beisei a ni a ti bawk.
