Session hi Speaker, Pu Lalrinliana Sailo kaihhruaiin chawhma dar 10:30-ah \an a ni a, kumin October ni 5-a boral, MLA hlui Pu Thankima sun a nih hnuah zawhna leh chhanna hun hman a ni a. Hemi zawh hian Sepaker chuan, tun session neih chhunga Panel of Chairman atan Pu Vanlalahlana, Pu KT. Rokhaw, Dr. ZR Thiamsanga leh Pu C. Lalmuanpuia ruat an nih thu a puang a ni. Vawiin Session-ah hian sorkar laipuiin dan thar a duan tak avanga hman zui thei tawh loh The Schedule Tribes and Other Traditional Forest Dwellers (Recognistion of Forest Right Act), 2006 nuaibo tura Social Welfare Minister, Dr. K. Beichhua-a’n Official Resolution a put luh leh Health and Family Welfare Minister, Dr. R. Lalthangliana’n Sorkar hmasa-in Falkawn-a MIzoram Institute of Medical Education and Research (MIMER) a din chu MNF kaihhruai sorkar tharin a hming thlak a, Zoram Medical College tih a vuah tak avangin he Medical College-a zirlaiten an zirnna mihring ruang an hman theihna tur dan siam\hat rawtna, The Mizoram Anatomy (Amendment) Bill, 2019 a putluh chu lungrual taka Pass a ni a. Assembly hnuaia Committee hrang hrang Public Accounts Committee, Committee on Estimate, Subject Committee – III, Business Advisory Committee leh Goverment Assurance Committee Report-te pharh a ni bawk.
Naktukah chuan chawhma dar 10:30-a \hutkhawm \an a nih rualin hun hmasa darkar khat chhung chu zawhna leh chhanna hun hman nghal a ni ang a, hemi hnu hian sorkar thil pawimawhte ngaihtuah chhunzawm a ni ang.
