Mizoram Legislative Assembly member thlantlin thar zinga thil tihdan kalphung zira tunhnaia Delhi-a kal Environment Forest & Climate Change Minister, Pu TJ Lalnuntluanga’n Ningani khan sorkar laipuia Forest Minister, Dr. Harsha Vardhan chu a pisaah hmuin sik leh sa danglam avanga khaw lum zel tur ven nan sum lama Mizoram sorkar \anpui turin a ngen.

Pu TJ Lalnuntluanga chuan, ramngaw humhalha siam belhna tur te, Mizoramah Urban Park din a nih theihna tur leh hemi hnuaia Bambusatum, Orchidarium leh Botanical Gardens-te Champhaiah siam anih theihna tura hma laksak tur leh thil pawimawh dangte a thlen a ni.

Union Forest Minister, Dr. Harsha Vardhan pawhin Minister thil thlen chu a ngaihpawimawh thu leh sorkar bugdet tharah an mamawh te tihsak an nih tur thu a lo hrilh a, hei bakah Green India Mission chak taka kalpui a nih theih nan leh hmasawnna hrang hrang a awm theihna turin scheme awm thei ang ang hnuaiah \anpuina pek an nih tur thu Minister hi a lo hrilh a ni.