Bial khata candidate tamna ber chu Hachhek leh Dampa bialte a ni a, heng bial pahnihah hian candidate 8 ve ve an awm a, candidate 4 awmna bial 10 te chu candidate tlemna ber bial a ni a, chungte chu Chalfilh, South Tuipui, Lunglei North, Lunglei East, Lunglei South, Lunglei West, West Tuipui, Tuichawng, Siaha leh Palak te a ni. Candidate zingah hian bial hniha ding pali an awm a, chungte chu Serchhip leh Champhai South-a ding kawp, Pu Lal Thanhawla, Serchhip leh Aizawl West I-a ding kawp, ZPM Chief Minister candidate Pu Lalduhoma, Serchhip bial leh Aizawl North I biala ding kawp, PRISM President, Pu Vanlalruata te, Nationalist Congress Party ticket-a Dampa bial leh Mamit biala ding kawp, Pu Lalawmpuia Chhangte te an ni. Candidate zat dik tak hi inhnuhdawh theihna ni hnuhnung a ral hnuah chauh hriatfiah theih a ni ang.
Hming pekluhna lehkha hi Returning Officer ten tun thla ni 12, karleh Thawh\anniah an endik ang a, inhnukdawk duh lehte tan ni 14, Nilaini thleng inhnuhdawh theihna hun hawnsak a ni ang. Vote thlak ni tura ruat ni 28-ah chuan zing dar 7 a\anga tlai dar 4 thleng vote thlak theih a ni ang a, vote tla te chu State danga Assembly inthlanna vote tla chhiar rualin December ni 11-ah chhiar a ni ang a, inthlanna pumpui chu December ni 13-ah zawhfel a ni ang.
