Mizoram Legislative Assembly Budget Session neih mekah 2017-18 a sum indaihlohna phuhrukna tur, Supplementary Demand for Grants Rs.22,86,35,61,000/- pass a ni.
House in Supplementary Demand for Grants-a pass rual hian a hman phalna, The Mizoram Appropriation (No.1) Bill, 2018 pawh House hian a pass nghal a ni. Kum 2017-18 sum indaih lohna phuhrukna tur cheng vbch 2,286.35 dil belh a ni hi sum enkawl kawnga sorkar rintlak lohzia tarlangtu nia a ngaih thu PRISM Party President, Pu Vanlalruata’n a sawi a. An party Pisa-a inkhawmah he thu hi sawiin, sum enkawl thiam lovah Sorkar chu puhin hei hian Congress kaihhruai Mizoram sorkar chu rorel zel tlak a ni lo tih a tilang chiang hle niin a sawi a, Finance Minister-in Assembly-a a pharh Supplementary Demand for Grants 2017-18 chu pass tlak loh khawpa zahthlak nia sawiin, eptu pawl MLA te chuan an dodal ngei tur nia a ngaih thu a sawi. Pu Vanlalruata chuan, Finance Minister-in sum a dil belh cheng vbc 2,286.35 a\anga cheng vbc 1,254.16 chu hlawh leh inrelbawlnaa hman ral tur a ni tih sawiin, cheng vbc 1,032.18 chu capital expenditure atana hman tura tih a ni a. Capital expenditure tura ruahman zinga a tam zawk chu Sorkar hnathawk ten an puk tur a la ni zui tih sawiin, sum dil belh zinga Sorkar hnathawkte hlawh tur a tam em em hian budget siam laia Sarkar fimkhur lohzia a tarlan bakah sum enkawl kawnga sorkar hlawhchham zia a tarlang niin Prism President chuan a sawi.
