Chuhtu awm lova thlan tlin anih thu hi vawiin Assembly rorel inkhawmah Protem Speaker Pu Lalrinawma’n House-ah a puang a ni.
Hemi hnu hian Protem Speaker ngenna angin House Leader Pu Zoramthanga, Opposition ZPM Group Leader Pu Lalduhoma leh Congress Group Leader Pu Zodintluanga ten an \hutna a\angin Speaker Chair thleng an hruai a ni. Hemi hma lam hian Protem Speaker chuan Speaker atana Pu Lalrinliana Sailo rawtna hi MNF Legislature Party Secretary Pu Lalruatkima’n a putluh thu leh hei hi Pu Lalchamliana’n a thlawp thute, hun tiam chhungin Speaker hna chuhve midang an awm loh thute House-ah puangin Pu Lalrinliana Sailo chu chuhtu awm lova tling a ni tih a puang a ni. Speaker Chair-a a \hut veleh thu sawiin Pu Lalrinliana Sailo chuan a hna thar chu lawm taka a pawm thute, Pathian leh Chief Minister chunga a lawm thute, \um 4 lai MLA thlangtlingtu a bial mipuite hnenah lawmthu a sawia, Mizoram Assembly chu House zahawmna vawng tlattu, India ram chang lo, khawvel ram dang thleng pawha House felfai leh zahawm a ni tih sawiin chutiang dinhmun chu a chan zui zel theih nan memberte \an la zui zel turin a ngen a ni. Speaker chuan House rorelnaah thil thar tih a duh thu sawiin, zawhna leh chhanna hunah a changtu Minister an awm loh pawha a aiawha zawhna chhangtu-in zawhbelhna a chhan theih dan tur ngaihtuah turin sorkar a ngen a ni. Speaker chuan MLA te nihna leh zahawmna humhim nan Mizoram House-ah
Principal Secretary te pek ang anmahni lo dawngsawngtu siam ve leh an mamawh anga sorkar motor Mizoram House a\anga hman tir ve dan te ngaihtuah turin sorkar a ngen bawk a ni. Hemi hnu hian Speaker ngen angin House Leader, Pu Zoramthanga chuan thusawiin inthlanna zo fela tluang taka rorel khawl din a ni chu lawmawm a tih thu a sawi a, Parliament leh State danga Assembly House-ah te an chet dan chhe lam leh \ha lam entawn tur tam tak a awm laia Mizoram Assembly rorelnaa member te chet dan mawi tak chu keng tlang zel turin member te a ngen a ni. Speaker-in a duhdan a sawi chu tipuitling tura hmalak a tum dawn thu leh Mizoram rorel khawl zahawmna humhim zel tura \an lak a \ul thu a sawi bawk a ni.
Hemi hnu hian ZPM Leader, Pu Lalduhoma pawhin thu sawiin, Speaker, Pu Lalrinliana Sailovin tihpuitlin a duh thil chi thum a sawi chhuah chu an party policy ‘kalphung thar’ siamna tur a ni tih sawiin, a thlawp thu a sawi hmasa a, Speaker thlannaah opposition lamin candidate an neih lohna chhan chu amah Pu Lalrinliana Sailo chu an Speaker atan a tling tawk tih an hriat vang niin a sawi a, duhsak bik nei lova member te en tura Speaker chu a beisei thu sawiin, an party chuan thil \ha lamah chuan sorkar thlawp an tum thu leh thil \ha lovah erawh chuan khauh taka dodal an tum thu a sawi a ni. Opposition Congress Group hruaitu Pu Zodintluanga pawhin kum 15 kalta a\ang khan Speaker ni ta Pu Lalrinliana nen House-ah member an la nih chhoh zel thu te, ram leh mipui tana thil \ha turah chuan sorkar thlawp an tum thu te, a \ha lovah erawh chuan do an tum thu te a sawi a ni. BJP member, Dr. BD Chakma pawhin thusawiin sorkar hmalakna chu thlawp zel a tum thu te, sorkar laipuia BJP kaihhruai sorkar leh Mizoram sorkar inkarah palai hna thawh a ngaih chuan thawh a inhuam thu te a sawi bawk a ni.
Vawiin Session hi chhun dar 11:56-ah naktuka chhunzawm leh atan Speaker, Pu Lalrinliana Sailo chuan a titawp ta a ni. Naktuk chawhma dar 10:30-a session chhunzawm leh a nih hun chuan Larsap, Kummanam Rajasekharan House-ah thu a sawi ang a, hemi hnu hian lawmthu sawina motion putluh a ni ang a, chumi hnuah session chu a tuka chhunzawm turin tihtawp a ni ang. Session Calendar-a tarlan angin he session hian tun thla ni 20, Ningani thleng a awh dawn a, Session zawh ni hian hun hmasa chu Session hmasa leh tun Session inkara member hlui thi Pu S. Laldingliana leh Prime Minister hlui thi ta, Pu Atal Bihari Vajpayee sun nan hman a ni ang a, chumi hnuah House-a Larsap thusawi chungchanga lawmthu sawina motion sawihova pawm tum a ni ang. Hemi ni hian Deputy Speaker tur pawh thlan a ni dawn a, Deputy Speaker thlanna neih tur atan hian Speaker, Pu Lalrinliana Sailo chuan vawiin khan hriattirna a chhuah a, MLA zinga chuh duhte tan naktuk tlai dar 3 thleng Assembly Secretary hnenah hming a pek luh theih a ni.
