Larsap hian vawiin khan chanchinbumite kawmin, Prime Minister rawtna anga Pathianni-a Janata Curfew neih chhungin mahni chenna in chhuahsan lo turin mipuite a chah a, tun hun hi mitin \anrual hun a ni tih sawiin, nasa taka hma la mektu Kohhran leh NGO te chungah lawmthu a sawi a, mipuite himtlanna tura hmalakna chu Pathian rawngbawlna pawimawh tak a ni a ti.
Larsap hian Pathianni tlai dar 5-ah Covid-19 dona kawnga mahni inphata beitute chawimawina lantirna hun hmang turin mipuite a chah a, mahni chenna kawtkai a\anga ri thei chi hrang hrang minute 5 chhung ti ri-a hnathawktute chawimawina lantir turin a chah a ni.
Sorkar chuan mipuiten nitin mamawh hnianghnara an hmuh reng theihna turin hma a la tih Larsap hian a sawi a, hri leng laka hnehna chan a nih theih nan sorkar laipui leh state sorkar hmalakna \awiawm turin mipuite a chah a ni.
