Budget Session \anni-ah thu sawiin, Larsap hian SEDP hlawhtling taka tipuitling turin Board 14 din a ni a, a kaihhnawih dept 25 te chu heng board hnuaiah te hian rinluh an ni a ti. Sorkar in kum khat chhungin Mizoram chu mahni ke-a ding thei turin hma a la tih larsap hian a sawi a, kum kalta-a Mizoram sum leh pai dinhmun \hanna chu zaa 14.82 a tling a, hei hi ram chhunga a sang ber pawl a ni a ti.
Mizoram sorkar chuan loneih leh a kaihhnawih tih hmasawn te, thil siamna lam tih hmasawn leh a bik takin mau leh ram hausakna dangte hman \angkai chu a ngai pawimawh tih Larsap hian a sawi a, \halaite an thiamna chher hriam saka an dinhmun chawikan pawh sorkarin a ngai pawimawh a ni a ti.
Larsap hian kum 2020-ah chuan loneitute thar chhuah a leta tipung turin sorkarin hma a la tih a sawi a, hemi atan hian Chief Secretary kaihhruai State level leh bawrhsap te kaihhruai District level coordination committee te din a ni a ti a, horticulture lamah hmasawn theihna sang tak Mizoramin a nei a, dragonfruit leh Serthlum te lian thama thar chhuah tum a ni a, organic farming pawh uar zawka kalpui tum a ni a ti bawk.
