Larsap chuan ASI leh INTACH hotute chu Vangchhe hmuna sulhnu hlui pawimawh tak tak humhalh leh hmuh chhuah belh kawnga hmalakna kal mek te a sawipui a, Aizawl Circle Dy.Supdt Archaeologist Dr. Sujeet Jain chuan ASI leh INTACH thawh hona bakah Vangchhia-a ASI hnathawhte a lem nena entirin a sawifiah a. Archaeologist te zirna atang chuan Vangchhia khaw bula Heritage site chi chi chu Mizoram hmun tam takah a awm a rinawn hle tih Dr Sujeet chuan a sawi a, Hma la thei tur leh sulhnu hlui haichhuak tur erawh chuan Mizoram hmun thenkhat chu project site anga puan a ngai hmasa a ni, a ti. Chhui chianna hrang hrang atangin Vangchhe hmuna hnuhma leh bungraw hmuchhuahte chu Mizo thlahtute sulhnuah bak ngaihruat theih a la ni rih lo tih Dr Sujeet chuan a sawi a, Florida-a zirchianna ang chuan sulhnu hluite hi AD 1400 bawr vel ami nia an ngaih thu leh mihring an awm \an hun erawh chu AD 600 vel lai nia an rin thu a sawi.
INTACH Mizoram Chapter hruaitute Pu P. Rohmingthanga leh Pu C. Chawngkunga te pawhin Mizo te \obul nia an hriatte Larsap hi an hrilhfiah a. Farkawn, Dungtlang, Lianpui leh Lungphunlian te chu Heritage site a puan a nih thuai theih nan hmalakpui turin Larsap chu an sawm a ni.
